Evènement

De Kapitän Mullebutz & seng Séiss-Waasser-Matrousen si wibbeleg

Date de création
Catégorie
Atrium
Téléphone
+352 26 72 39-500 (Mo-Fr: 13-17 Uhr)
E Matmaach-Concert fir Kanner vu 4 bis 9 Joer an hir Elteren. De Kapitän Mullebutz a seng Séisswaassermatrousen komme vun hire Reesen nees zeréck op Lëtzebuerg and let me tell you: si si wibbeleg. Aus der ganzer Welt hunn se Lidder matbruecht, di di kleng Piraten un d’Wibbele kréien: Danzen, sprangen, sangen… Haaptsach gutt Laun. Och d’Madamm Li wëll, dass hir Matrousenband eppes fir d’Figur maachen a nees gutt fit an a Form sinn. Di erfollegräich Iddi, fir flott Kannerlidder an e neie Mäntelchen ze stiechen, Rock a Pop Songs kannergerecht an op Lëtzebuergesch ze bréngen, kritt en zweeten Deel. Kommt, sangt a danzt mat eis. Ei, dat gëtt e Spaass! De Kapitän Mullebutz & seng Séisswaassermatrousen spillen bekannte Kannerlidder & Popsongs vu Sterny-Courquin/Poutty Stein bis Van Halen & The Cure, wéi gewinnt a flott arrangéiert vum Georges Urwald. Si invitéieren d’Kanner zesumme mat hiren Elteren, e flotten Nomëtteg ze erliewen. E Projet vum Dan Tanson & Georges Urwald. Dan Tanson Iddi, Konzeptioun a Gesank
Georges Urwald Arrangementer, Piano, Akkordeon, Klackespill
Christian Peckels Gitar
Tom Wiot Bassgei  
Jhang Kohnen Trompett
Max Sauber Getrommeltes an Elektronik
Noémie Leer Gei a Gesank
Patrick Wilhelm Trombonn
Jessica Quintus Saxophon
Véronique Steinmetz Gebärden
    
Georges Majerus Tountechnik
Joey Adam Kostüm
Claude Grosch Visuals
                  
Produktioun: AllerRetour asbl & Philharmonie Luxembourg
Koproduktion: Escher Theater, Centre culturel régional Aalt Stadhaus Differdange

60 Min. ouni Paus